Indi magnubo sa 39 ka tawo, lakip ang pila ka kabataan, ang napatay kag masobra 50 ang napilasan sa isa ka stampede campaign rally sang Tamil actor kag politiko nga si Vijay sa estado sang Tamil Nadu sang Sabado.
Suno sa pulis, nagpasaka sila sang kaso kriminal batok sa mga mataas nga opisyal sang partido ni Vijay, ang Tamilaga Vettri Kazhagam (TVK), lakip sanday Bussy Anand, Nirmal Kumar, kag V.P. Mathiyalagan.
Dugang pa sang natungdan, ang partido nagpangabay lamang sang 10,000 ka tawo, apang kapin sa 20,000 ang nagtambong sa rally sa distrito sang Karur.
Ginpahayag ni Vijay nga tuman ang iya pagpangasubo sa trahedya kag nagpasalig nga magahatag sang bulig sa mga pamilya nga namatyan.
Ginhingyo naman ni Tamil Nadu Chief Minister M.K. Stalin ang 1 million rupees (P650,000) nga compensation sa tagsa ka pamilya sang napatay.
Subong man ang pagtangdo sang isa ka komisyon nga ginapangunahan sang isa ka retirado nga hukom sa pag-imbestigar sang natabo.
Nahibaluan nga ang rally kabahin sang preparasyon ni Vijay para sa eleksyon sa masunod nga tuig, sa diin ang iya partido magahangkat sa Dravida Munnetra Kazhagam (DMK) kag sa Bharatiya Janata Party (BJP) ni Modi.
