3rd impeachment complaint batuk kay VP Sara, padayon nga ginahulat

Padayon nga ginahulat ang ginapahayag ikatatlo nga impeachment complaint batuk kay Vice President Sara Duterte.

Una ini nga ginpabutyag ni House Secretary General Reginald Velasco sadtong nakaligad nga semana matapos ang duha ka magkasunod nga complaint nga gin-file batuk kay VP Sara.

Samtang, tubtob sa karon wala sa gihapon may gin-file nga ikatatlo nga impeachment complaint sa bise presidente.

Base sa impormasyon nga una nga ginpabutyag sang House official, posible nga i-file sang pila ka religious organization ang ikatatlo nga complaint.

Apang sa karon, indi pa maathag kun ano nga grupo ang maga-file sini kag kun sin-o nga kongresista ang maga-sponsor sa amu nga reklamo.