ROXAS-CITY- Nagahinulsol ang 14-anyos nga si Alyas Jude nga ginaalegar isa sa lima ka mga suspek nga ginatudlo responsable sa paghimolos sa Grade 10-student nga si Alyas Marie sa isa ka lugar sa banwa sang Pontevedra, Capiz.
Suno kay Alyas Jude nga magkaupod sila sang iya mga pakaisa nga si Alyas Reymark kag Alyas Reynold nga nagabantay sa isa ka pumping station.
Ginpahayag ni Alyas Jude nga takna las’ 9 sang gab-i hubog nga nag-abot sanday Cyril kalakip na ang duha ka mga kababainhan nga si Alyas Marie kag Cheche nga gikan sa birthday party.
Apang wala pagid nakuntento ang mga ini kag liwat nga nag-inom sang makahulubog nga ilimnon.
Bangud sang tuman nga kahulugbon nanday Alyas Marie kag Che-Che naglain ang ila pamatyag rason nga ginpahigda sang mga suspek ang duha apang si Alyas Marie amo ang ginpahigda sa katre.
Aminado naman si Alyas Jude nga ginhalokan kag ginhimas-himas niya ang mga pribado nga parte sang lawas sang dalagita samtang ini nagakatulog.
Samtang, gin-athag naman ni Alyas Jude nga wala sang may natabo nga penetration sa ila ni Alyas Marie.
