ROXAS CITY – Dakop ang isa ka laborer, matapos ang ginpatigayon nga firearm buybust operation sang katapo sang President Roxas Municipal Police Station sa Brgy. Marita, Pres. Roxas, Capiz.
Ginkilala ang mga nagkaladakpan nga sanday Regie Bolingan Lanes, 27-anyos, Bernard Paloyloy, 34-anyos nga lunsay mga residente sang Brgy San Jose Roxas City, Vincent Villarisco 31-anyos, kag Danilo Abanco, 25-anyos lunsay residente sang Brgy Milibili Roxas City.
Sa impormasyon nga nakuha sang Bombo Radyo nagikan sa President Roxas Municipal Police Station, ginpahayag nga natigayon nga madakpan ang nasambit nga mga persona pinaagi sa nagpakuno-kuno nga police poseur buyer.
Nakuha sa paghinakop sang mga ini ang 1 unit sang .38 caliber revolver nga may 2 ka bala, 1 belt bag nagaduag itom, 1 unit sang caliber 45 pistol, buy bust money, P100.00 kag budol money nga P3,700, kag tricycle nga Kawasaki Barako.
Sa karun yara na ang mga nagkaladakpan sa paghinakop sang President Roxas Municipal Police Station para sa nagakaigo nga disposisyon.
