-- ADVERTISEMENT --
ROXAS CITY – Arestado ang 4 ka mga persona matapos madakpan sa akto nga nagapatigayon sang ilegal nga pagpangisda sa kalalawaran nga sakop sang banwa sang Panay.
Ginkilala ang mga naaresto nga sanday Rodel Aceboque, 31-anyos, Samuel Sabala, 31- anyos, Beny Laceno, 30- anyos kag Jerald Jicaraya, 28- anyos nga lunsay mga residente sang Brgy. Libas sining syudad.
Nakuha sa ila posesyon ang isa ka unit sang 1 ka fishing boat nga may motor engine, 1 ka lambat, kag mas o menus 100 kilo sang nagkasari-sari nga isda.
Magapangatubang ang mga naaresto sa kaso nga paglapas sa Mun. Ordinance 03-02 series of 2003.
Ginturn-over ang mga ini kag mga nakompiskar nga kagamitan sa MENRO-Panay para sa nagakaigo nga disposisyon.
-- ADVERTISEMENT --
