ROXAS CITY – Nagpositibo sa drug test ang 4 ka mga persona nga nagkaladakpan sa drug buy-bust operation sa gintingub nga pwersa sang Philippine Drug Enforcement Agency (PDEA) Capiz kag Aklan kahapon nga adlaw, Agosto 28 sa Railway St. Brgy. Punta Tabuc sining syudad.
Matandaan ginkilala ang mga naaresto nga sanday Ryan Tiempo, 34-anyos, residente sang Brgy. V, Ralph Aninacion Losanta, 18-anyos, residente sang Brgy. Punta Tabuc, Rex Jimenez, 40-anyos, residente sang Brgy X, kag Marl Delco.
Mahibaluan nga subject person sang buybust operation amu si Ryan Tiempo kag pila ka semana naman ini nga ginamonitor sang mga otoridad.
Samtang ginatudlo naman nga supplier sang droga sa probinsya sang Aklan ang duha sa apat nga nadakpan kun sa diin ginapahayag diri nagakuha sang suplay sa Capiz.
Nakumpiskar sa mga ini ang kapin P102,000 nga balor sang ginapatihan shabu sa isa ka drug den sa lugar sang insidente.
Sa karon, yara sa kustodiya sang PDEA-Iloilo ang mga nagkaladakpan para sa nagakaigo nga disposisyon.
