Mag-tiyo patay matapos ginluthang sang barangay tanod sa guha sang binaylehan

ROXAS CITY – Patay ang mag-tiyo matapos nga ginluthang sa guha sang binaylehan sa Barangay Dulangan, Pilar, Capiz.

Ginkilala ang napatay nga mga biktima nga sanday Joseph Bacalangco kag tiyo sini nga si Fernando Piano.

Sa pagpangusisa sang Bombo Radyo sa himata sang mga biktima, manugpauli na kuntani ang mag-tiyo gikan sa binaylehan sang ginapahayag gintiro ang mga ini sang barangay tanod nga si Nito Dichosa.

Nakaangkon sang pilas sa lawas si Piano samtang pilas sa dughan naman ang naangkon ni Bacalangco.

Gindala pa sa ospital ang mga biktima apang gindeklarar nga dead on arrival.

Mahibaluan nga daan nga hiligut-anon ang ginalantaw motibo sa nasambit nga krimen.