-- ADVERTISEMENT --
ROXAS CITY – Pilason ang apat ka tawo nga sakay sang duha ka motorsklo matapos nga naaksidente sa Kilometer 2, Barangay Lawaan, Roxas City.
Samtang ginasubay sang mga biktima nga sakay sang una nga motorsiklo nga sanday Angelo Aranda 23-anyos kag backrider nga si Marky Aranda ang dalan, hinali nga natabuk ang isa ka ido nga ginhalinan para madulaan ini sang preno.
Samtang bangud wala makita sang nagasunod nga motorsiklo nga ginamaneho ni Joel Bentazal 24-anyos sang Panit-an, Capiz kag backrider nga si John April Ong sang Barangay Lanot, Roxas City ang naaksidente nga motor nabungguan sini ang nalikod nga bahin kag sila man ang natumba.
Gilayon nga nag-abot sa lugar ang rescue team nga naghatag sang 1st aid sa mga biktima sang aksidente.
