Dumarao, Capiz – Dead on arrival ang 40-anyos nga lalaki matapos nga ginbuno sa Poblacion Ilawod, Dumarao, Capiz.
Ginkilala ang biktima kay Marlon Pasco sang Barangay Calapawan sang nasambit nga banwa.
Base sa inisyal nga imbestigasyon sang Dumarao PNP nakabaton sila sang impormasyon gikan sa mga barangay officials nga may yara sang kinagamo sa lugar rason nga gilayon man nagresponde ang mga pulis.
Nahibaluan nga yara sa idalom sang impluwensya sang makahulubog nga ilimnon ang suspek nga si Jose Ronnie Calanza 46-anyos sang nasambit man nga lugar sang ginbuno ang biktima nga iya nakaba-is.
Bangud diri, nag-angkon sang pilas sa lawas ang biktima kag gindala sa ospital, apang gindeklara nga dead on arrival.
Samtang boluntaryo naman nga nagsungka ang suspek dala ang 18 pulgada nga sanduko kag karon yara na sa karsel sang Dumarao PNP.
Ginapatihan nga daan nga hiligut-anon ang motibo sa krimen.
