-- ADVERTISEMENT --
ROXAS CITY – Dakop sa akto ang 41-anyos nga babaye, matapos nagapatigayon sang illegal nga pagpataya sa Washington St., Barangay VI, Roxas City, Capiz takna 10:58 sang aga sadtong tinalikdan nga Setyembre 29, 2023.
Ginkilala ang nadakpan kay Rowena Cubita 41-anyos kag residente sang Barangay VI, sining syudad.
Sa impormasyon nagikan sa Roxas City PNP, natigayon nga madakpan si Cubita matapos ang ginpatigayon nga entrapment operation sang mga kapulisan.
Nakuha sa posesyon sang nadakpan ang 1 unit sang Apple tablet, P570.00 nga kwarta sa nagkalain-lain nga denominasyon.
Sa karun yara sa kustodiya sang Roxas City PNP si Cubita, para sa nagakaigo nga disposisyon.
-- ADVERTISEMENT --
