Dakop ang 42-anyos nga magpangawat sa bahin sang Mejorada Subdivision, Brgy. Inzo, Roxas City.
Ang biktima amo si alyas Socorro, 70-anyos, balo kag residente sang sang nasambit nga lugar samtang ang suspek naman amo si alyas Mark kag residente sang Brgy. Tiza, Roxas City.
Sa impormasyon nga nakuha sang Bombo Radyo sa Roxas Component City Police Station , nahibaluan nga nagapungko ang biktima sa sulod sang iya salakyan sang hinali lang nga ginbuksan sang suspek ang pwertahan sang passenger side kag gin-agaw ang iya sini shoulder bag nga nagabalor sang P10,000 kag may unod nga kwarta nga nagalab-ot sa P2,000.
Nagpalagyo pa ang suspek apang natigayon man nga madakpan sang mga pumuluyo kag ginaalegar ginkastigo antes pa man mag abot ang otoridad.
Sa subong, yara nasa kustodiya sang Roxas Component City Police Station ang suspek para sa nagakaigo nga disposisyon.
