43-anyos nga lalaki arestado sa kaso nga Direct Assault sa Ivisan, Capiz

ROXAS CITY – Arestado ang isa ka 43 anyos nga mister matapos ginserbihan sang warrant of arrest sang mga kapulisan sa banwa sang Ivisan, Capiz.

Ginkilala ang naaresto kay Mario Ortega Aldea sang Barangay Cudian sang nasambit nga banwa.

Magapangatubang si Aldea sang panumbungon nga Direct Assault.

Ang nasambit nga warrant ang gin-isyu kag ginpirnahan ni Hon. Judge Ramces John Honrado, 3rd MCTC, Dao, Capiz.

Sa karon, nakahunong na sa karsel sang Ivisan Municipal Police Station ang nasambit nga akusado.