Pilas sa kamot kag tiil ang naangkon sang isa ka 43 anyos nga driver sang tricycle matapos aksidente nga bumonggo ang isa ka motorista sa tricycle sini.
Ang tagreklamo ginkilala kay Jerald Ordinario, Residente sang Barangay Culasi, Poblacion II Roxas City.
Sa Exclusive Interview sang Bombo Radyo kay Mr. Ordinario, Ginpahayag sini nga papuli na kuntani ini nagikan sa iya nga trabaho kag pag-abot sa Brgy. Baybay, kag tuyo na kuntani nga magpark sang iya nga tricycle, mahinay na ang padalagan ni ordinario, apang ginkakibot nalang sini sang mabaskog nga bumonggo ang isa ka motorsiklo nga may plate number nga F60711 sa likod nga bahin sang iya tricycle nga ginamaneho.
Pahayag pa niya, may duha pa ka motorsiklo nga naulamid kag nagkalatumba bangud sa mabaskog nga impact sang pagkabunggo.
Samtang, Madasig naman suno diri nga nagbangon ang driver sang motorsiklo kag nagpalagyo padulong sa direksyon sang Brgy. Culasi, Roxas City.
Bangud sa natabo nga insidente, mas ginpakamaayo sang driver sang tricycle nga ipa blotter Roxas Component City Police Station ang amu nga natabo agud nga madasig nga makilala ang driver sang motorsiklo.
