ROXAS CITY – Arestado ang 44-anyos nga Laborer matapos ginserbihan sang warrant of arrest sang mga kapulisan sa Brgy. Tapulang, banwa sang Maayon.
Ginkilala ang arestado kay George Campo, residente sang nasambit nga lugar.
Magapangatubang sang kaso nga paglapas sa Republic Act No. 9165 ukon Comprehensive Dangerous Drugs Act of 2002 ang nasambit nga arestado.
Ang warrant of arrest ang gin-isyu kag ginpirmahan ni Hon. Presiding Judge Esperanza Isabel Y Poco – Deslate, RTC Branch 19, napetsahan Nobyembre 18, 2020.
Matandaan, nga anay nadakpan sa checkpoint nga may dala nga iligal nga droga sadtong tuig 2014 sang Maayon MPS ang akusado apang nakaguwa matapos maka-avail sang plea bargaining.
Mahibaluan nga wala nagatambong sa hearing si Campo rason nga ginpapanaugan ini sang warrant of arrest.
