-- ADVERTISEMENT --
ROXAS CITY – Arestado ang isa ka wanted nga persona matapos nga ginserbihan sang mandamiento de aresto sa Barangay Codingle, Dumarao, Capiz.
Ginkilala ang arestado nga si Eric Monserat 47-anyos sang nasambit nga lugar.
Nagapangatubang sang murder ang nasambit nga suspek sa diin ginaalegar wala sang ginrekomendar nga piyansa ang korte para sa temporaryo nga kahilwayan sang arestado.
Sa karon, nakahunong na sa karsel sang Dumarao Municipal Police Station ang amo nga suspek.
