48-anyos nga lalaki dakup sa Buybust Operation sa Banwa sang Pontevedra

ROXAS CITY-Arestado ang 48-anyos nga lalaki matapos nga nadakpan sa ginkasa nga drug buybust operation sang gintingub nga pwersa sang Provincial Drug Enforcement Unit ukon PDEU kag sang Pontevedra Municipal Police Station sa Barangay Sublangon Pontevedra Capiz.

Ginkilala ang arestado sa kay Melvin Blancaflor residente sang Barangay San Jose Roxas City.

Nakuha sa posesyon ni Blancaflor ang apat ka mga plastic sachets sang ginapatihan shabu, P500 nga marked money, 1 ka unit sang cellphone kag motorsiklo.

Sa karun nakahunong na sa karsel sang Pontevedra Municipal Police Station si Blancaflor kag natalana nga pasakaan sang panumbongon nga paglapas sa R.A. 9165 ukon Comprehensive Dangerous Drugs Act of 2002.