ROXAS CITY – Arestado ang lima ka mga drug suspects kalakip na ang isa ka high-value target sa separado nga buybust operation sang pulisya sa Roxas City.
Una nga nadakpan sa Barangay Dayao, Roxas City ang mag-asawa nga Bonifacio kag Teresa Villaruz residente sang Barangay San Jose, sining syudad sa diin nakuha sa ila posesyon ang tatlo ka sachet sang ginapatihan shabu P1,000 nga buybust money kag isa ka cellphone.
Ginakabig nga high-value target drug personality ang lalaki nga Villaruz.
Samtang naaresto man sa Sitio San Jose, Barangay Bato, Roxas City ang tatlo pa ka mga drug suspects nga sanday Luigi Loyola, 29-anyos sang Barangay Punta Tabuc, Alfred Dais, 28-anyos kag Eduardo Bulaclac, 25-anyos lunsay residente sang banwa sang Pontevedra, Capiz.
Narekober sa posesyon sang mga suspek ang 13 ka plastic sachet sang ginapatihan shabu nga nagabalor sang P60,000.
Nahibaluan nga ginpatigayon ang operasyon sang Provincial Drug Enforcement Unit sa pagpamuno ni Senior Inspector Hilbert Gervero.
