-- ADVERTISEMENT --
Padayon karon nga ginapangita ang lima ka inugbulang nga manok nga ginkawat sang wala mahibaluan nga mga suspek sa New Road, Barangay Mongpong, sining syudad.
Nagpa-blotter sa Roxas City PNP ang 51-anyos nga si Gilberto Aguel matapos nadiskubrehan nga kulang na ang mga hinuptan nga manok nga yara sa guha sang ila balay.
Nagalaum ang tagreklamo nga makilala ang yara sa likod sang pagpangawat sang ila mga manok agud mabalik ang ila hinuptan nga mga kasapatan.
