Roxas City– Padayon ang pagdako sang numero sang mga nabiktima sang FOREX investment scheme sa probinsya sang Capiz, matapos nga napulo ka mga persona ang nagpadulong sa talatapan sang Roxas City PNP para i-reklamo ang recruiter nga anay empleyado sang Bureau of Internal Revenue (BIR) Capiz.
Sa karon nagdangat na sa 68 ka mga professionals ang nagparekord sa talatapan sang pulisya nga nabiktima sang nasambit nga investment scheme.
Nahibaloan sang damlag lang nagtuhaw ang lima ka mga nurses kag gin-aku ang pag-invest sang nagalab-ot sa 2.4 million pesos sa FOREX investment scheme matapos kumbinsihon ni Baarde sa ginaganyat nga 20 percent nga interes kada bulan pinaagi sa pag isyu sang post dated check.
Gin-aku naman sang wala na nagpahingadlan nga mga nurses nga nakabaton sila sang tseke apang nadismaya sang nagpadulong sa banko kag nahibaloan nga sarado na ang account ni Baarde.
Sa karon indi na makita sang mga investors si Baarden nga ginapatihan nagapanago.
