5 patay sa pagbungguanay sang tren kag bus sa Slovakia

Patay ang lima ka indibidwal sa pagbungguanay sang tren kag bus sa Slovakia.

Suno sa emergency service sang nasambit nga pungssod, ang mga pasahero sang bus lamang ang may na-irekord nga may ginbawian sang kabuhi, samtang wala naman sang napatay nga pasahero sa tren.

Ginadangat naman sa ospital ang lima ka iban pa matapos nga magkalapilasan sa parte sang kalawasan.

Nagbuligan naman ang lima ka ambulansya sa lugar sang insidente para marespondehan ang mga biktima.

Nagikan sa Prague, Czech Republic ang tren kag padulong kun tani sa Budapest, Hungary sang matabo ang insidente.

Padayon pa nga gina-imbestigaran sang mga otoridad ang nasambit nga aksidente.