Ginplastar sang Department of Trade and Industry (DTI) ang 5-point strategy sang ahensya para sa pagpabaskog sang Micro, Small, And Medium Enterprises (MSMEs) ukon mga magagmay nga negosyo sa pungsod.
Sa Malacañang Insider, ginsiling ni Acting Sec. Ma. Cristina Aldeguer-Roque nga ang MSMEs sa pungsod ang nagarepresentar sa 99.5% nga business sector kag 60% nga workforce, rason nga madasig nga maga-arangkada ang ekonomiya pananglitan nga mapataas ini.
Una sa istratehiya ang digitalization para sa mas madasig nga pagdul-ong sang mga produkto kag impormasyon sa bilog nga Pilipinas.
Ika-duha ang diversification ukon ang pagtesting nga magbligya sang iban pa nga produkto, kag ika-tatlo amu ang funding nga pamaagi sa purchase order financing sang small business corp.
Kalakip man ang pagduso sang franchise businesses, kag ang mentoring ukon pag-alalay sa magagmay nga negosyante.
