ROXAS CITY – Patay ang 52-anyos nga lalaki sang nasapwan sa sulod sang ila puluy-an sa Barangay Loctugan, kaina sang aga.
Nag-angkon sang pilas sa ulo ang biktima nga si Nerio Distura nga nakita sang mga kaupod sa balay nga nagakaya kag nagasandig ang duguon nga ulo sa hamba sang pirtahan sa ila puluy-an.
Nabatian pa sang mga kaupod sa balay sang biktima ang pag-abot sini kagab-i.
Ginpahayag ni Lorna Estolora, isa sa mga salaligan sa balay sa diin naga-estar ang biktima nga nakibot na lamang ini sang gintawagan sang anak kag gintundaan nga nasapwan nga patay si Distura.
Nagapati man sila sa balay nga wala sang foul play ang pagkamatay sang biktima, bangud posible nga natumba ini sa tuman nga kahulugbon kag naigo ang ulo sa matig-a nga bagay.
Nahibaluan nga antes ang insedente, nagtambong sa isa ka birthday party si Distura kag nag-inum inum kaupod ang mga abyan.
