ROXAS CITY – Wala na sang kabuhi sang nasapwan sa sulod sang iya apartment ang 52-anyos nga manunudlo nga lalaki sa Ortiz Subdivision, Brgy. Banica, Roxas City.
Ginkilala ang biktima kay alyas Joe, 52-anyos nga residente sang nasambit nga lugar.
Sandig sa impormasyon nga nagikan sa Roxas Component City Police Station, may nagpanawag kag nagpahibalo sa ila istasyon nga may nasapwan nga bangkay sang lalaki sa lugar. Gilayon man nga ginpadulungan sang mga kapulisan kag katapo sang RCERT ang lugar agud tsekyaron ang nasambit nga biktima apang wala na ini nga sang kabuhi.
Nahibaluan nga pila na ka adlaw nga wala nagaguwa sa iya apartment ang biktima nga ginkatingala sang iya mga abyan sa lugar. Ginapahayag nga may ginasuprehir nga balatian ang amo nga biktima.
Sa karon, yara na sa isa ka punerarya ang bangkay sang biktima kag nagapati naman ang pamilya nga wala sang foul play sa natabo nga insidente.
