ROXAS CITY – Dead on arrival nga ginpadagat sa Sen. Gerardo Roxas Memorial District Hospital ang isa ka pedicab driver matapos nga nakuryente sa Barangay Poblacion Norte, Sigma, Capiz.
Ginkilala ang biktima nga si Leonardo Mateo Clorion Jr., 53-anyos kag residente sang nasambit nga lugar.
Sandig sa imbestigasyon sang Sigma PNP, nga nakit-an na lamang ang biktima nga wala na sang kabuhi kag nag-angkon sang kapilasan sa magkatuhay nga parte sang iya kalawasan tuga sang pagkakuryente.
Mahibaluan nga may poste sang CAPELCO nga 10 metros ang kalayuon kun sa diin nasapwan ang biktima.
Sa karun, yara na sa isa ka punerarya sa banwa sang Dao ang bangkay sang biktima agud ipaidalom sa Post Mortem Examination, samtang nagapadayon pa ang imbestigasyon sang Sigma PNP sa nasambit nga insidente.
