Yara sa 53% na sang kabug-usan nga P7.5 bilyon nga pondo nga gintalana para sa pagpatuman sang Public Utility Modernization Program ang nagasto na sang gobyerno humalin sang irolyo ini sadtong 2018 suno kay Department of Transportation Secretary Jaime Bautista.
Kalakip diri ang P1.6 billion nga ginpatago para sa PUV Modernization subong nga tuig.
Kadungan sini, nagpahayag man sang pagpamatok ang tiglikom sa suspensiyon sang pagpatuman sang programa.
Maluwas pa sa bilyon nga pondo nga nagastos para sa programa, gintuad man sang tiglikom nga ang suspensiyon sang programa nga ginduso sang mga Senador sa punto nga ini nga igapatuman ang programa ang makasamad sa relasyon nga na-establish sang gobyerno sa stakeholders nga namuhunan na sa programa apisar dako sang porsyento sini ang nag-consolidate.
Dugang pa sang DOTr chief nga may delay ini sa mga serbisyo para sa kadam-an nga nakadepende sa mga benepisyo sang programa.
