ROXAS CITY – Patay ang 54-anyos nga mangunguma matapos ginpaulanan luthang kag gin-ayad labo sang walo ka mga suspetsado sa Barangay Agpalali, Tapaz, Capiz.
Ginkilala ang biktima nga si Lornalee Gallenero sang nasambit nga lugar.
Base sa inisyal nga imbestigasyon sang Tapaz Municipal Police Station nga samtang yara sa sulod sang payag ang biktima gulpi na lamang nga nagsulod ang isa sa mga suspek nga si Ariel Olog, 23 anyos sang nasambit nga lugar kag ginluthang ang biktima sang makapila ka beses gamit ang 12-gauge shotgun.
Samtang wala pa nakuntento ang isa sa walo ka mga suspek kag ginlabo pa si Gallenero sang makapila ka beses.
Narekober sang mga kapulisan ang pito ka mga basiyo sang 12 gauge shotgun sa ginluntaran sang krimen.
Samtang may ginasunod na nga motibo ang mga kapulisan kun sa diin ginapatihan nga posible nagtimalos ang suspek nga amo ang anak sang nasapwan nga mangunguma nga ginlubong sa duta kag may mga igo sang luthang sa lawas sa Sitio Malansa, Barangay Abangay, Tapaz sang nagligad nga semana.
