ROXAS CITY – Arestado ang isa ka 54-anyos nga lalaki, matapos ginaalegar nagpinalupok sang armas luthang takna alas 8:46 sang gab-i sadtong Biyernes, Oktubre 6, 2023 sa Barangay Poblacion President, Roxas, Capiz.
Ginkilala ang arestado kay alyas Jojo, 54-anyos, kag residente sang Barangay Cabug-Cabug sang nasambitan nga banwa.
Sandig sa nakuha nga impormasyon sang Bombo Radyo nagikan sa President Roxas Municipal Police Station, ginapahayag nga nakabaton sila sang report nga may yara sang nagluntad nga pagpinalupok sang armas-luthang sa Barangay Cabug Cabug, rason nga ila ini gilayon nga ginrespondihan.
Mahibaluan nga nakit-an mismo sang mga kapulisan nga ginataklos ni alyas Jojo ang armas-luthang rason nga natigayon ini nga ma-aresto.
Nakuha sa paghinakop sang suspetsado ang isa ka unit sang caliber 45 pistol kag magazine.
Kaso nga paglapas sa Republic Act 10591 ukon Comprehensive Firearms and Ammunition Regulation Act kag pagbayolar sang Comelec Gun ban ang paga-atubangon sang arestado.
Sa karon, yara na ini nakahunong sa karsel sang President Roxas Municipal Police Station para sa nagakaigo nga disposisyon.
