ROXAS CITY – Karsel na ang ginahimas sang 55 anyos nga lalaki matapos nga ini ang nagpanghimas sang paa sang isa ka 28 anyos nga babaye sa Teodoro Arcenas Trade Center.
Suno sa tagreklamo nga si Luisa Llasus, samtang nagapungko siya kag nagapahuway sa nasambit nga merkado-publiko, iya ginpatong ang iya nga tiil sa isa ka pulunkuan bangud nga malamok.
Apang sa iya kakibot, naglabay ang suspek nga si Arcadio Barcelo nga ginapahayag yara sa idalom sang impluwensiya sang makahulubog nga ilimnon kag hinali na lamang nga ginhimas ang iya paa malapit sa pribado nga parte sang iya nga lawas.
Suno pa sa biktima nga may isa man sadto ka hitabo nga iya nadakpan ang suspek nga ginalingling siya samtang naga-CR.
Bangud sa nasambit nga hitabo, ginpapreso sang biktima ang suspek.
Apang suno diri nga wala siya sang plano nga pasakaan sang reklamo ang suspek bangud kilala man niya ini kag nakahanda siya nga maghatag sang katapusan nga tsansa para diri.
