55-anyos nga lalaki arestado sa Brgy. Lawaan, Roxas City

ROXAS CITY – Arestado ang isa ka 55-anyos nga lalaki matapos ginserbihan sang warrant of arrest sang mga kapulisan sa kaso nga homeside sa Pueblo de Panay, Brgy. Lawaan, Roxas City.

Ginkilala ang arestado kay Rey Deñola Lopez residente sang New Road, Bgry. Banica sang nasambit nga syudad.

Ang warrant of arrest ang ginpapanaog kag ginpermahan ni Hon. Ezperanza Isabel E. Poco-Deslate, presiding judge sang RTC, 6^th Judicial Region branch 19, Roxas City na petsahan Pebrero 10, 2022.

P120,000 ang pyansa nga ginrekomendar sang korte para sa temporaryo nga kahilwayan sang nasambit nga arestado.

Sa karun, nagapabilin ini sa karsel sang Roxas City PNP para sa nagakaigo nga disposisyon.