Ginpagwa sang Supreme Court (SC) subong nga adlaw ang resulta sang 2025 Bar Examinations kun sa diin 5,594 sa 11,425 nga examinees ang nakapasar, nga nag-equate sa 48.96% passing rate.
Nanguna sa mga bag-o nga abogado si Jhenroniel Rhey Sanchez sang University of the Philippines nga may 92.70 nga average grade.
Ginpangunahan ni Associate Justice Amy Lazaro-Javier, Chairperson sang Bar Exams Committee, ang pagpagwa sang mga resulta sa en banc session sang Supreme Court.
Ginhimo ang exam sang Setyembre 2025 sa lain-lain nga regional testing centers gamit ang digital platform nga Examplify, nga may tuyo nga mangin mas accessible kag mas safe ang proseso.
Ginakabig ini nga historical tungod ini ang may pinakamataas nga numero sang mga kandidato sa kasaysayan sang Bar, nga nakaabot sa sobra 11,000 ka examinees.
Kadungan sang listahan sang mga nakapasar, ginpagwa man ang lista sang mga topnotchers kag top performing law schools.
Ang mga bag-o nga abogado ginapaabot nga maga-paidalum sa clearance process kag opisyal nga panumpa sa masunod nga mga semana.
