JAMINDAN, CAPIZ – Patay na sang nasapwan ang 56-anyos nga lalaki sa sulod sang iya kaugalingon nga payag sa Sitio Malonoy, Barangay Agambulong, Jamindan, Capiz.
Ginkilala ang biktima kay alyas Manuel, nga residente sang nasambit nga lugar.
Suno kay PSSG Jerson Vigo, Investigator sang Jamindan Municipal Police Station, nagaisahanon lang ang biktima nga nagaistar sa iya payag kag alas 7:30 sang aga subong nga adlaw Setyembre 12, 2024 sang nasapwan ini sang ila himata nga si Brgy. Kagawad Edmar Gevero nga wala na sang kabuhi ang amo nga biktima.
Pahayag pa ni Vigo base sa ila imbestigasyon nga sang tinalikdan nga mga inadlaw suno sa nakakita nga nagsuluka sang dugo ang biktima kag gilayon man ini nga gindala sa center agud magpacheck-up sa doktor bangud sang ginabatyag sini nga sakit.
Apang pagkaaga sang ginkadtuan ini sang iya himata nga Kagawad agud pakaunon kag hatagan kun tani sang bulong nasapwan nalang ang biktima nga wala na sang kabuhi.
Samtang nagapati naman ang pamilya nga bangud sa ginasuprehir nga balatian ang gintunaan sang kamatayon sang biktima.
