57 anyos nga mister, dakup sa kaso nga Trespassing

SIGMA, CAPIZ – Dakup ang isa ka mister matapos ginserbihan sang warrant of arrest sang mga kapulisan sa Sitio Sinandigan, Barangay Mianay, Sigma, Capiz.

Ginkilala ang biktima kay Jose Berber, 57 anyos kag residente sang Purok 6, Barangay Acbo sang nasambit nga banwa.

Kaso nga Qualified Trespass to Dwelling ang pagaatubangon sang amo nga akusado kun sa diin ginrekomenda sang korte ang P10, 000 nga piyansa para sa temporaryo sini nga kahilwayan.

Ang nasambit nga warrant ang gin-isyu kag ginpirmahan ni Hon. Rommel L. Leonor, Acting Presiding Judge sang 5^th MCTC, Sigma-Sapian-Jamindan-Sigma, Capiz napetsahan Disyembre 3, 2012.

Nagapabilin sa karon sa kustodiya sang mga kapulisan ang nasambit nga akusado.