Arestado ang 59 anyos nga lalaki matapos makuhaan sang indi lisensyado nga armas luthang sang mga kapulisan sa Barangay Poblacion Sur, Ivisan, Capiz.
Ginkilala ang arestado kay alyas “R-R”, kag residente sang Barangay Agmalobo sa nasambit nga banwa.
Sa nakuha nga impormasyon sang Bombo Radyo nagikan sa Ivisan PNP, natigayon nga madakpan ang suspetsado pinaagi sa ginpatigayon nga buybust operation sang mga kapulisan sa nasambit nga banwa.
Nakuha sa paghinakop sang amo nga persona ang isa ka unit sang short Armscor .45 caliber pistol nga may serial number kabaylo sa balor nga Php 16,500.00.
Samtang, wala naman sang ginpakita nga dokumento ang suspek sa nakuha nga armas-luthang.
Magapangatubang sa kaso nga paglapas sa RA 10591 ukon Comprehensive Firearms Ammunition Regulation Act kag ang pagbayolar sa Comelec Gun Ban ang nasambit nga persona.
Sa karun, nakahunong na sa karsel sang Ivisan MPS si alyas “R-R” para sa nagakaigo nga disposisyon.
