-- ADVERTISEMENT --
ROXAS CITY – Patay ang anum ka tuig nga bata matapos nga nadanlog sa hagdan sang Pilar Fishing port.
Sa interview sang Bombo Radyo kay PO3 Elmer Balgos, imbestigador sang Pilar PNP nagaguwa sa imbestigasyon nga magkaupod ang biktima kag mga pakaisa nga nagpaligo sa dagat, kag magkaupod man sila tanan nga nagpauli.
Apang lipod sa ihibalo sang iya pamilya, nagbalik sa Pilar Fishing port ang biktima para kuhaon ang nabilin nga tsinelas.
Wala ginalauman nga nadanlog ang tiil sang menor de edad tobtob nagdiretso ini hulog sa madalum nga bahin sang fishing port.
Nasapwan na lamang ang nagalutaw nga bangkay sang biktima, pila ka minuto matapos ang pagpangita sang iya pamilya.
-- ADVERTISEMENT --
