Bag-o nga Gas Source sa Malampaya nga makita sa offshore sang northwest Palawan, Gindayaw ni Pres. Marcos

Gindayaw ni President Ferdinand Marcos Jr., ang bag-o diskubre nga source sang enerhiya sa Pilipinas matapos ang madinalag-on nga drilling sang Camago-3 gas well sa Malampaya Gas Field.

Ang amo nga gas well mahimo maka-produce sang ginabanta 60 million standard cubic feet nga gas kada adlaw.

Bangod sini, ginalauman nga madugangan ang supply sang kuryente kag posible man nga magpanubo ang presyo sini sa palaabuton.

Mas madamo man ang makuha nga gas sa Camago-3 kumparar sa Malampaya East-1 nga una nga nadiskubre.

Target naman sang gobyerno nga magasugod ang supply sang gas halin sa Camago-3 sa ikaapat nga quarter sang 2026.