Gin-isyuhan sang House Good Government and Public Accountability Committee ang 6 ka opisyal sang Office of the Vice President matapos wala nagsipot sa deliberasyon sang komite kaangut sa pag-usisa sa pondo sang talatapan.
Kalakip diri sanday chief-of-staff Zuleika Lopez, Atty. Lemuel Ortonio, Atty. Rosalynne Sanchez, Gina Acosta, Julieta Villadelrey, kag Edward Fajarda.
Nag-mosyon man si Committee chairman Manila Rep. Joel Chua para sa pag-isyu sang Immigration Lookout Bulletin Order batuk sa 6 ka OVP officials.
Diri kag ginsugo ang immigration officers nga alertuhon ang mga awtoridad pananglitan tuyuon nila nga magguha sa pungsod.
Gani, nagpadala sang position paper ang OVP nga gipermahan sang 19 sini ka opisyal, nanindugan naman ang OVP nga indi in aid of legislation ang nasambit nga inquiry.
Ginpahayag man sang OVP nga indi ini makahatag sang komento kaangut sa mga isyu sa pondo nga pending sa karun sa Korte Suprema bangud mahimu ini nga makasagabal sa paga-angkon sang hustisiya.
