Anom nga pulis nagikan sa Criminal Investigation and Detection Group ang nagapangatubang sa reklamo nga administratibo kag criminal matapos madiskubre nga ginapahayag gin-ilisan nila sang boodle money ang P13.5 milyon nga ebidensya nga kwarta halin sa isa ka ginapahayag scam hub sa Bagac, Bataan.
Ang nasambit nga kantidad ang kabahin sang P141 million nga nakumpiska sa operasyon sang PAOCC kag PNP-CIDG sang Oktubre 2024.
Pagkatapos ibasura sang korte ang kaso, ginmanduan nga ibalik sang CIDG ang tanan nga nakumpiska nga kwarta.
Apang sang i-turn over sang seizing officer nga si Patrolman Christian Andaya ang box nga naga-unod sang P13.5-M, mga photocopy sang kwarta na lang ang nakit-an.
Sa sworn statement, gin-ako ni Andaya nga gintunga-tunga sang anom nga pulis ang kwarta sa diin ginaalegar nga mandu mismo sang mataas nga opisyal.
“Whether they deny it or not, the record will show they have something to do with that. It’s good that there is an admission on their part,” suno kay acting PNP chief Lt. Gen. Jose Melencio Nartatez Jr.
Sa report nga ginpasa kay PNP Chief kag sa Napolcom, ginpatpat ni CIDG Acting Director PMAJ Gen. Robert Morico ang ginapahayag breakdown sang tungaay.
Pahayag niya, “There was no proper turnover conducted by Lt. Col. Arandia… accordingly, he took the boxes of evidence to his house.”
Ginpanginwala nama ni anay CIDG Anti-Organized Crime Unit head P/Lt. Col. Joey Arandia ang mga akusasyon.
