Massage therapist nagreklamo matapos wala ginhatagan sang Barangay Clearance sang ila Punong Barangay

ROXAS CITY – Nagpalab-ot sang reklamo ang isa ka 62-anyos nga massage therapist matapos ginaalegar nga wala ginhatagan sang Barangay Clearance sang ila Punong Barangay sa Barangay Culajao, Roxas City.

Ginkilala ang tagreklamo kay Pedro Fernandez sang nasambit nga lugar.

Suno sa tagreklamo nga makapila na ini ka beses nga nagpadulong sa talatapan ni Punong Barangay Floyd De Jose sang Barangay Culajao agud maghinyo kuntani sang Barangay Clearance para sa iya pagpa-ubra sang koneksyon sang kuryente apang ginbalibaran ini sang nasambit nga punong barangay.

Bangud diri, ginpakamaayo na lamang sang tagreklamo nga iparekord sa pulisya ang insidente.