Naglab-ot sa 670 ka mga delivery riders gikan sa primero distrito ang nagpasalamat kay Congressman Howard Guinto matapos nga makabaton sang financial assistance.
Ginhiwat ang payout sa isa ka mall sa Brgy. Lawaan sa sini nga syudad nga kun sa diin ang mga delivery riders ang nagbaton sang tag-P3,000 nga ayuda pinaagi sa Ayuda para sa Kapos Ang Kita Program (𝑨𝑲𝑨𝑷) gikan sa opisina ni House Speaker Martin Romualdez.
Suno kay Guinto nga nagapati ini nga ang mga delivery riders isa sa mga pinakaimportante nga trabaho ilabi na sa subong nga tion nga malapnagon nagid ang paggamit sang social media kag internet.
Samtang, sa masunod nga bulan mahimo man nga makabaton sang amo nga ayuda ang mga estudyante nga nagalantaw lamang sang amo nga programa matapos ginlawag ni Congressman Howard Guinto nga magpalista sang ila pangalan para nga makabaton sang P3,000 nga bulig pinansyal.
