DAO, CAPIZ – Padayon nga ginabulong sa ospital ang duha ka mga biktima matapos nag-angkon sang kinagamo sa Barangay Matagnop, Dao, Capiz.

Ginkilala ang mga biktima nga sanday Noel Artiza 34-anyos kag Nilo Artiza 34-anyos lunsay mga residente sang nasambit nga lugar.

Base sa inisyal nga imbestigasyon sang Dao PNP nga nagkadto ang mag-utod sa balay ni Leonardo Estorninos 58-anyos sang amo nga barangay.

Ginapahayag nga ginpilit sudlon sang mga biktima ang balay ni Estorninos apang ginpwersa man sila nga paguwaon rason nga nag-angkon sang komosyon sa tunga sang nasambit nga mga persona.

Bangud diri, nag-angkon sang mga kapilasan sa lawas ang mga biktima sa diin ulihi na natalupangdan nga may yara sang igo sa likod tuga sang armas luthang si Nilo.

Padayon naman ang imbestigasyon sang mga kapulisan sa insidente.