Nurse pilason matapos nga nakabunggo sang layaw nga ido ang ginamaneho nga motorsiklo sa Barangay Cabugao, Roxas City

ROXAS CITY-Pilas sa magkatuhay nga porsyon sang kalawasan ang naangkon sang isa ka nurse matapos nga nakabunggo sang layaw nga ido ang ginamaneho nga motorsiko sa Barangay Cabugao, Roxas City.

Ginkilala ang biktima nga si John Lester Capapas, 30-anyos, residente sang Barangay San Jose sining siyudad.

Sandig sa inisyal nga imbestigasyon sang mga kapulisan nagaguha nga samtang ginasubay sang biktima ang dalan pakadto sa city proper sang aksidente sini nga mabungguan ang layaw nga ido nga hinali nga nagtabok sa dalan.

Bangud sini, nadulaan sang kontrol sa manibela si Capapas kag dalayon nga natumba sa dalan.

Nakaangkon sang gasgas sa nagkalain-lain nga porsyon sang kalawasan ang biktima nga gilayon nga gindapatan sang nakaigo nga pagbulong.