ROXAS CITY-Arestado ang 47-anyos nga mister matapos nga ginaalegar nagtuga sang kinagamo sa Emergency Room sang Capiz Doctors Hospital sa Barangay Lawaan, Roxas City.

Ginkilala ang gin-aresto nga si Julius Tolentino residente sang Ilaya-Ivisan, Ivisan Capiz.

Mahibaluan nga nagpadulong sa nasambit nga ospital si Tolentino nga yara sa idalom sang impluwensiya sang makahulubog nga ilimnon nga wala man sang transaksyon.

Sandig sa alegasyon sang nurse nga si Devin Marcelino sang Barangay Tabuc, Panay Capiz nga nagtaas ang tingog ni Tolentino sang ginsita ini sang mga staff.

Bangud sini ginpakamaayo ni Dr. Eric Aguro nga magpangayo sang respondi sa mga kapulisan.

Sa karon nagapabilin sa karsel sang Roxas City Station ang nasambit nga suspetsdo.