ROXAS CITY – Ginkumpirmar sang National Bureau of Investigation (NBI) nga isa ka Chinese national ang utod ni suspended Bamban Mayor Alice Guo.
Suno sa NBI, ini ang bangud pareho ang fingerprints sang utod ni Alice Guo nga si Wesley Guo sa Chinese national nga si Guo Xiang Dan, subong man ang kopya sang Philippine passport ni Wesley Guo kag ang Chinese passport ni Guo Xiang Dan.
Ginapahayag nga match ang fingerprints sang duha gamit ang record nagikan sa Board of Investments (BOI) kag NBI biometrics record.
Sa rekord, nag-abot sa Pilipinas si Guo Xiang Dan sadtong 1999 kag ginlista nga dependent son ni Lin Wen Yi, ukon ang nakarehistro man nga iloy ni Mayor Alice (Guo Hua Ping). May yara man suno diri sang kopya nga Chinese passport si Guo Xiang Dan nga maga-expire sa 2025 kag bulos-bulos sini nga ginagamit ang Philippine kag Chinese passport halin 2003.
