Trending sa karon sa social media ang isa ka veterinarian kun sa diin naga-offer ini sang libre nga kapon para sa mga kuring nga may pangalan nga “Maris” kag “Anthony.”
Sa Facebook page nga Doc Gab-Veterinarian, ginpakigbahin sini ang ila nga pa-Christmas promo subong nga December.
“Christmas promo! Libreng kapon buong December sa mga pusa na may pangalang ‘Maris’ at ‘Anthony’,” ini ang post sang amu nga page.
Dugang pa sini, nakasaad sa comment section nga “NOTE: Kailangan po magpakita ng patunay na ‘Maris’ at ‘Anthony’ ang matagal ng pangalan ng pusa ninyo.”
Samtang, sa mga luyag ipakapon ang hinuptanan nila nga kuring nga “Maris” kag “Anthony” ang pangalan, may gin-provide man sila nga link para mag-register kag agud mahibaluan ang iban pa nga detalye.
Matandaan nga sang sini lang nga Disyembre 3 sang gab-i, naglanog ang pangalan nga “Maris” kag “Anthony” bangud sa mga rebelasyon ni Jam Villanueva, kun sa diin ginsapubliko niya pinaagi sa social media ang ginapahayag mga screenshots sang “mainit nga conversation” sang iya ex-boyfriend nga si Anthony Jennings kag love team sini nga si Maris Racal, nga nangin rason suno diri sang ila nga pagbulaganay.
