-- ADVERTISEMENT --
ROXAS CITY – Patay ang pito ka tuig nga bata matapos aksidente nga naatrasan sang nagaduag asul nga trak nga may karga nga construction materials sa Barangay Cabugao, Ivisan, Capiz.
Ginpahayag ni Police Corporal Micheal Villan, imbestigador sang Ivisan PNP nga ginasubay sang driver sang trak ang mataas nga porsyon sang karsada sang nagpisik ang iya kambiada kag nadulaan na sang kontrol.
Natabuan nga nagahampang ang biktima sa kilid sang karsada kag aksidente ini nga naatrasan sang trak, sa diin nabunggo pa ang ulo sang bata sa bato.
Gilayon nga gindala sa ospital ang biktima, apang gindeklara nga dead on arrival.
Samtang yara na sa kostodiya sang Ivisan PNP ang driver sang canter nga trak.
-- ADVERTISEMENT --
