ROXAS CITY – Dakop ang pito ka mga persona sa ginkasa nga drug buybust operation sang gintingob nga pwersa sang Provincial Drug Enforcement Unit (PDEU) Capiz kag Provincial Drug Enforcement Agency (PDEA) Capiz kag Aklan sa Barangay Punta Tabuc, sining syudad.
Ginkilala ang mga gin-aresto nga sanday Rover Arce Altamia (target), 41- anyos, Richmond Aniero, 22 -anyos, Brian Arce Altamia, 22- anyos, Anthony Magarzo Albaladejo, 35- anyos, lunsay residente sang Sitio Railway, Brgy. Punta Tabuc, Roxas City, Antonio Dela Cruz Aponio, 38- anyos, residente sang Brgy. Cabugaw, Roxas City, Lolito Barredo Valencia, 45- anyos, residente sang Brgy. San Jose, Roxas City kag Joel Grapani Abayon, 52- anyos, residente sang Brgy. Baybay, Roxas City.
Nakuha sa posesyon sang mga suspetsado ang 12 sachets sang suspected shabu, 1 vial nga may unod sang suspected marijuana, 1 sachet sang suspected marijuana, kag P500 buybust money.
Magapangatubang sa panumbungon nga paglapas sa RA 9165 ukon “Comprehensive Dangerous Drugs Act of 2002” ang nasambit nga mga persona.
Sa karon, yara na ang mga ini sa kustodiya sang Roxas City PNP para sa nagakaigo nga disposisyon.
