ROXAS CITY – Narescue sang mga otoridad ang pito ka mga kababainhan nga ginaalegar biktima sang human trafficking sa entrapment kag rescue operation sa Paradise Bar, Barangay Baybay, Roxas City.
Gin-aresto sang Criminal Investigation and Detection Group (CIDG-Capiz) ang manager sang nasambit nga balay kalingawan nga si Elcid Besana Dario bangud nagabaton ini sang mga lalaki nga customer kabaylo sang temporaryo nga kalingawan gikan sa ila mga bar girls.
Narekober sa suspek ang 500 pesos nga marked money, personal nga kwarta nga naglab-ot sa P7, 720 kag isa ka condom.
Nahibaluan nga ginpaidalom sa monitoring ang balay kalingawan antes ginpatigayon ang operasyon nga nangin alagyan para ma-rescue ang mga kababainhan nga gikan sa nagkalain-lain nga kaprobinsyahanan.
Samtang, nagapangatubang sa kaso nga paglabas sa Republic Act 10364 ukon Expanded Anti-Trafficking in Person Act of 2012 si Dario.
