76 ektarya nga palayan sa Roxas City, apektado bangud sa malain nga panahon nga dala sang bagyo Kristine

Naglab-ot sa 76 ektarya nga palayan ang naapektuhan sa syudad sang Roxas bangud sa malain nga panahon nga dala sang bagyo Kristine.

Sa interview sang Bombo Radyo kay Capiz Asst. Provincial Agriculturist Mr. Raul Perez, 100 percent nga totally damage ang 76 ektarya nga ulumhan kun sa diin kalabanan inug-harvest na kun tani.

Suno kay Perez nga mas dako ang kahalitan sa inug-harvest apang may naapektuhan man nga mga nagatanom pa lamang.

Dugang pa sini nga padayon ang ila monitoring kag ginaekspektar buwas nga adlaw nga matipon ang final report sang kahalitan sa agrikultura sa mga kabanwahanan nga tuga sang bagyo Kristine.