77-anyos nga lalaki nagparekord sa pulisya matapos ginkawatan

ROXAS CITY – Nagpalab-ot sang reklamo ang 77-anyos nga lalaki sa Roxas City PNP matapos nga ginaalegar nabiktima sang pagpangawat sa Barangay Bolo, Roxas City.

Ginkilala ang tagreklamo nga si Wilfred Arceno sang nasambit nga lugar.

Ini matapos natukiban na lamang sini nga wala na ang iya duha ka mga handset radio kag isa ka relo.

Ginaalegar sang tagreklamo nga ginkuha ni Bebot Dollete ang nadula sini nga mga kagamitan sa diin nagpamangkot ini sa iya mga kaingud nga ginbaligyaan kuntani sang suspek apang nagpamalibad man sila nga baklun.

Ginkompronta sang biktima ang suspek apang natigayon na sini mabaligya sa iban ang mga ginkawat nga kagamitan.

Bangud diri, ginpakamaayo na lamang sang tagreklamo nga iparekord sa pulisya ang insidente.