ROXAS CITY – Naglab-ot sa 77 ka mga indibidwal ang nagtapos sa nagtakop nga Graduation Ceremony sang Philippine Coast Guard (PCG) Capiz.
Suno kay PCG-Capiz Commander Edison Diaz, madinalag-on nga natapos ang 77 ka mga coastguard personnel sa ila nga schooling sa sulod sang apat ka bulan.
Suno kay Diaz nga nagsugod ini sang ulihi nga semana sang Setyembre 2019 kag nagtakup sining damlag lamang.
Mahibaluan nga ang nasambit nga mga indibidwal ang gikan pa sa magkatuhay nga mga ka probinsyahanan sa Pilipinas.
Dako nga kahigayunan suno kay Diaz nga napilian ang PCG-Capiz nga mangin para sa schooling sang mga coastguard personnel.
Ang nasambit nga mga personnel suno kay Diaz ang natunga sa duha ka mga kurso kun sa diin 43 sa mga ini ang nagpaidalom sa Basic Leadership and Management Course samtang ang 34 naman ang nagpaidalom sa Operation Specialization Course.
Ginpahayag ni Diaz nga ang nasambit nga 43 ka mga personnel ang preparado na para i-deploy sa mga substations sa Pilipinas samtang ang 34 naman ang magaagi pa sa pagkuha sang ranggo nga Petty Officer.
